Veiga atua Juventus kwa mkopo

Beki wa Chelsea Renato Veiga amejiunga na Juventus kwa mkopo kwa muda wote uliosalia wa msimu huu.

Veiga, 21, alijiunga na Chelsea kutoka Basel kwa £11.8m msimu wa joto na amecheza katika mechi 18, lakini ameanza mechi moja tu ya Premier League.

Juventus wamekubali kugharamia mishahara ya mchezaji huyo wa kimataifa wa Ureno na kulipa ada ya mkopo ya £3.8m.

Hakuna chaguo la kununua limejumuishwa katika mpango huo. Vyanzo vilivyo karibu na mchezaji huyo vilisema alikua akichanganyikiwa kucheza nafasi ya beki wa kushoto, akipendelea kutumika katika nafasi ya beki wa kati.

Veiga pia alikuwa akihusishwa na Borussia Dortmund ya Ujerumani huku akitafuta dakika zaidi kusalia kwenye kikosi cha Ureno.

Meneja wa Chelsea Enzo Maresca alikuwa amemtaka Veiga kusalia wiki iliyopita, akisema: "Ikiwa kuna mchezaji ambaye anataka tu kucheza katika nafasi moja, watapata tabu."

Juventus wako katika nafasi ya tano kwenye Serie A na wamefanikiwa kupata angalau hatua ya mtoano kwenye Ligi ya Mabingwa.